Pam ’nôl yn y Castell?

• Rydym yn dychwelyd i’r castell gan nad yw’n bosibl defnyddio caeau Cooper ym Mharc Bute eleni.
• Byddwn yn defnyddio’r seilwaith sydd yn y Castell yn barod, gan hefyd defnyddio tu cefn a thu blaen y Castell i ehangu safle Tafwyl.

Beth yw capasiti y safle eleni?

• Mae’r lleoliad yn caniatáu i 8,000 o bobl fod ar safle Tafwyl yn y Castell ar unrhyw adeg. Bydd staff yn rheoli’r niferoedd i mewn ac allan o’r fynedfa / allanfa.

A bydd angen ciwio?

• Gobeithiwn na fydd angen ciwio ond ar yr adegau mwyaf prysur mae’n bosibl bydd angen ciwio.

Ble bydd mynedfa Tafwyl?

• Bydd mynedfa/allanfa i mewn i’r Castell o Barc Bute ond bydd hwn yn cau am 8:30yh. Hefyd, bydd modd gadael y Castell drwy’r fynedfa flaen i fynd i’r dref.
• Ar ddiwedd y noson bydd mynedfa flaen a chefn y castell ar agor ar gyfer gadael y safle. Gofynnwn i chi ddilyn cyfarwyddiadau’r staff wrth adael.

Pryd mae’n agor?

• Mae’r amseroedd yn newid bob dydd.
• Bydd yr amserlen ar gael cyn y digwyddiad.

A oes angen tocyn?

• Mae Tafwyl yn ŵyl benwythnos ddi-docyn, rad ac am ddim.
• Mae tocynnau ar gael i’w prynu ar gyfer yr ardal newydd ‘Tocyn Aur’ ac efallai bydd angen bwcio sesiynau ‘Llais’ o flaen llaw.

Ga i ddod â’m ci?

• Dim ond cŵn cymorth sy’n cael dod i safle Tafwyl.
• Nid oes caniatâd i unrhyw gŵn neu anifeiliaid anwes eraill.

Ga i ddod â chadair?

• Na, ni allwch ddod â

• cadeiriau,
• seddi sy’n plygu,
• seddi cludadwy neu seddi inflatable

A oes lle i eistedd?

• Oes! Mae seddi ar gael o amgylch safle Tafwyl.
• Gallwch eistedd ar flanced bicnic fach mewn rhai mannau addas.

A allaf ddod â diod?

• Gallwch ddod â photel ddŵr wedi’i selio neu botel wag i’w hail-lenwi.
• Rhaid prynu pob diod arall ar y safle.
• Peidiwch â dod â gwydr.

Beth am fwyd?

• Cewch — mae croeso i chi ddod â’ch bwyd eich hun ond bydd digonedd o arlwy wych ar y maes.
• Mae stondinau bwyd gyda llawer o ddewis, gan gynnwys opsiynau fegan a di-glwten.

Pa eitemau na chaniateir?

• Bagiau mawr mwy na bag cefn.
• Cadeiriau.
• Gwydr ac unrhyw gynhwysydd gwydr (e.e. botel bersawr).
• BBQs neu declynnau nwy.
• Dronau.
• Pebyll, gazebos neu ymbarelau mawr.
• Beiciau, sgwteri neu sglefr-fyrddau (oni bai eu bod yn gymhorthion symudedd)
• Chwistrell aerosol.

A oes parcio?

• Nid oes llefydd parcio ar y safle.
• Mae llawer o feysydd parcio yng nghanol Caerdydd y gallwch gerdded o’r rheiny i’r digwyddiad.
• Mae man i gloi beic tu allan i brif fynedfa’r ŵyl.

Sut mae cyrraedd Tafwyl?

• Mae Tafwyl yng nghanol Caerdydd, felly mae’n hawdd dod ar y bws neu’r trên.

A yw Tafwyl yn addas i blant?

• Ydy! Mae ardal weithgareddau plant penodol gyda digon o weithgareddau i’w diddanu.

A oes toiledau?

• Oes, gan gynnwys toiledau hygyrch a chyfleusterau newid babanod.

A yw Tafwyl yn hygyrch?

• Ydy, mae Tafwyl yn ymdrechu i fod yn ŵyl hygyrch i bawb.
• Cysylltwch o flaen llaw os oes gennych anghenion arbennig.
• Mae band arbennig sy’n rhoi mynediad i’r platfform gwylio hygyrch a gwibgiw i osgoi gorfod aros yn hir.

Beth os bydd hi’n bwrw glaw?

• Mae Tafwyl yn parhau hyd yn oed os yw’n glawio.
• Dewch â chôt law — ond nid ymbarél mawr.